Հայ հանրահայտ նկարիչ, Վրույր Գալստյանը ծնվել է 1924 թվականի մարտի 3-ին Հայաստանում, քաղաք Երևանում, ծառայողի ընտանիքում: Դեռ մանկուց նա սիրում էր նկարել, բայց ինչպես և բոլոր երեխաները, սկզբում նկարում էր ուղղակի հաճույքի համար: Հետագայում նրա տաղանդի շարունակությունը դարձան դաջվածքները, որոնցով պատանին դաջել էր մոտակա շրջանի բոլոր հասակակիցներին: Դասերի ժամերը նրա համար ձանձրալի էր, անհետաքրքիր, նրա մտքերը սավառնում էին երկնքում, տանում հեռու-հեռու դասագրքերից և աշակերտական նստարաններից: Վերջապես ստացվեց այնպես, որ նա դպրոցից հետո ընդունվեց Թերլեմեզյանի անվան գեղարվեստի ուսումնարան` նախապատրաստական դասընթացների: Այստեղ տեղի ունեցավ նրա հանդիպումը հիանալի նկարիչ և մանկավարժ Վահրամ Գայֆեջյանի հետ: Վրույրի ընդունակությունների առաջին գնահատականը այն էր, որ նրան ընդունեցին միանգամից երկրորդ կուրս, որտեղ ապագա նկարիչը սովորում էր հատուկ հետաքրքրվածությամբ:
1958 թվականին Վրույրը ավարտեց Երևանի Թերլեմեզյանի անվան գեղարվեստի ուսումնարանը: Սկսած 1959-ից մինչ 1964 թվականը նա սովորել է գեղարվեստա-թատերական ինստիտուտում: Վրույր Գալստյանի արվեստի մեջ մեծ դեր են խաղացել Սարյանը և Քոչարը, որոնց հետ անձամբ ծանոթ էր նկարիչը: Իսկ Վան-Գոգի և Պոլ Սեզանի արվեստին երկրպագելը օգնեց նրան իր սեփական անկրկնելի գեղանկարչական ոճը փնտրելու ժամանակ:
Սկսած 1962 թվականից Վրույր Գալստյանը հանրապետական, համամիութենական և միջազգային ցուցահանդեսների մասնակից է, այնպիսի երկրներում ինչպիսին են Արգենտինան, Պորտուգալիան, Ֆրանսիան: Սարյանի և Քոչարի խորհուրդով, որոնք բարձր էին գնահատում Վրույրի աշխատանքները, 1968 թվականին նրան ընդունեցին ԽՍՍՀ-ի Նկարիչների Միություն: Ինչպես Սարյանն էր գրել նրա մասին “հատուկ ուշադրության արժանի նկարչի” գործերը իրենց տեղը գտան, սպասված անհատական ցուցահանդեսում, որը բացվեց 1983 թվականին Հայաստանի Նկարիչների Միությունում:
1996 թվականին Վրույրի մահը դադարեցրեց նրա արվեստի գործունեությունը, սակայն նկարչի գործերը մնացին ապրելու, ապացուցելով մարդու անմահությունը:
Վրույր Գալստյանի Աշխատանքները գտնվում են Ժամանակակից արվեստի թանգարանում, Հայաստանի ազգային պատկերասրահում, Մոսկվայի Տրետյակովյան պատկերասրահում, Մոսկվայի արևելքի երկրների արվեստի թանգարանում և բազմաթիվ մասնավոր հավաքածուներում: